28 мар 14:33
Янгиликлар

Бокс/ММА

Муҳаммад Мокаев кейинги жанги санаси ва манзилини эълон қилди + ФОТО

Собиқ UFC жангчиси, асли чеченистонлик, ҳозирда Буюк Британия шарафини ҳимоя қилаётган Муҳаммад Мокаев навбатдаги жангини ўтказади.

"2 май куни. Дубай. Karate Combat. Ҳаётимдаги биринчи спорт тури каратэ эди, кейин курашга ўтганман. Шунчаки жанг қилишни, фаол бўлишни ва тажриба орттиришни хоҳлайман. Менда ҳар доим "В" режаси курашиш бўлган. Аммо мен "А" режаси устида ишлашим керак", деб ёзган Мокаев ижтимоий тармоқлардаги саҳифасида.

Маълумот учун, Муҳаммад Мокаев 24 ёшда. У 2020 йилда профессионал фаолиятида дебют қилган, 2022 йилдан 2024 йилгача UFC'да ўз жангларини ўтказган.