Муҳаммад Мокаев яна бир қозоқ спортчиси билан жанг қилади

Мокаевнинг сўзларига кўра, у 14 июнь куни Дубай (БАА) шаҳрида ташкил этиладиган 971 FC янги Лигасининг илк мусобақасида иштирок этади.

Қозоқ матбуотининг маълум қилишича, мусобақа доирасида Муҳаммад Мокаевга Қозоғистон вакили Алишер Габдуллин рақиблик қилади. Жанг ММА қоидалари асосида ташкил этилади.

Габдуллин фаолияти давомида ҳозирга қадар 19 та жанг ўтказиб, 15 ғалаба ва 4 та мағлубият қайд этган. У жангларининг асосий қисмини Octagon League'да ўтказган.

Муҳаммад Мокаев 2 май куни Дубай шаҳрида ўтказилган Karate Combat турнири доирасида бошқа бир қозоғистонлик спортчи — Болат Заманбеков билан жанг қилиб, биринчи раунддаёқ нокаут орқали ғалаба қозонганди.