Мужибилло Турсунов Осиё чемпионатининг финалига йўл олди

Ҳозиргина -67 кг вазн тоифасидаги иккинчи ярим финал жанги якунланди. Унда терма жамоамиз аъзоси Мужибилло Турсунов мезбонлар вакили Бунжонг Синсирига қарши рингга кўтарилди. Икки ярим раунд давом этган муросасиз жангда Турсунов ғалаба қозониб, финалга йўл олди. 

Гап шундаки, иккинчи раунднинг ўрталарига келганда, Бунжонгнинг бурун аралаш пешона қисмидаги жароҳати жиддийлашиб кетди ва шифокорлар кўрсатмасига кўра жанг тўхтатилди. Биринчи раунд Синсири, иккинчиси Турсунов фойдасига ҳал бўлганди.  Мужибиллонинг учинчи раундни ҳам жуда фаол бошлагани унинг ғалабасини таъминлади. 

Шу тариқа, ўзбек боксчиларида олтинчи финал! Ҳамюртимизнинг Осиё чемпионлиги учун кечадиган ҳал қилувчи финалдаги рақиби қозоғистонлик Дулат Бекбауов бўлади. Бекбауов ярим финалда тожикистонлик Шуҳрат Саламатовни 5:0 ҳисобида мағлубиятга учратди.