Мужибилло Турсунов WBC Гран-присида иккинчи бўлди

Ушбу турнирнинг супер енгил вазн дивизионида ҳамюртимиз Мужибилло Турсунов финалга қадар етиб келгани ҳақида хабар қилгандик. Боксчимиз ҳал қилувчи баҳсда Колумбия вакили Карлос Утриага қарши рингга кўтарилди. 

8 раундга мўлжалланган жанг тўлиқ давом этди ва афсуски унда боксчимиз очколар эвазига имкониятни бой берди. Шу тариқа, боксчимиз Гран-Прида иккинчи ўринни банд этди.

Эслатиб ўтамиз, Мужибилло мусобақа доирасида ЖАР, Аргентина, Мексика ва Украина вакилларини мағлубиятга учратиб, финалгача етиб келганди. 

Маълумот учун, WBC Гран-приси ғолиблари 100 минг АҚШ доллари, финалда мағлуб бўлган боксчи эса 50 минг АҚШ доллари билан мукофотланади.