14 июл 09:38
Янгиликлар
Бокс/ММА
Мужибилло Турсуновнинг рақиби ўзгарди, у қозоғистонлик боксчига қарши жанг қилади
Эртага, 15 июль куни Таиланднинг Пукет шаҳрида бокс оқшоми ўтказилади.
IBA томонидан ташкил этилаётган мазкур "Чемпионлар оқшоми"да ҳамюртларимиз Ҳасанбой Дўсматов, Асадхўжа Мўйдинхўжаев ва Мужибилло Турсуновлар жанг қилиши ҳақида аввалроқ хабар қилгандик.
Аввалига Мужибилло мазкур жанг оқшомида таиландлик Хунатип Пиднуч билан жанг қилиши хабар қилинганди. Лекин маълум бўлишича, боксчимизнинг рақиби ўзгарган. У эртага қозоғистонлик Муҳаммедсабир Базарбай Уулуга қарши рингга кўтарилади.
Боксчиларимизнинг эртанги рақиблари билан танишинг:
-51 кг: Ҳасанбой Дўсматов (Ўзбекистон) - Мартин Молина Сальвадор (Испания)
-63,5 кг: Мужибилло Турсунов (Ўзбекистон) - Муҳаммедсабир Базарбай Уулу (Қозоғистон)
-71 кг: Асадхўжа Мўйдинхўжаев (Ўзбекистон) - Дулат Бекбауов (Қозоғистон).
Жанглар 3 дақиқадан 5 раунд давом этади.
Ҳавола :
Манба : olamsport.com
Фикрлар