Мураббий Фрэнсиснинг UFC`га қайтиши ҳақида айтган гапига изоҳ берди

Аввалроқ мураббий PFL промоушенида жанг қилаётган камерунлик "Йиртиқич"нинг яна UFC ростерига қайтишига ишора қилганди.

"Мен — аралаш яккакурашлар, хусусан оғир вазн тоифасининг катта мухлисиман. Фрэнсис ўзи учун қизиқ бўладиган ҳар қандай таклиф учун очиқ. Унинг PFL билан ишлари қандай кетаётганидан очиғи хабарим йўқ. Балки, Нганну бошқа промоушенлар билан музокара олиб боролмас. Мен ҳеч қачон унинг номидан гапирмаганман. Фақат мухислари орасида юрган гапларни айтганман. Мен ҳам барча сингари уни яна "қафас"да кўришни истайман", — дея Никсикнинг сўзларини келтиради MMA Mania портали.