Мураббий Комми Ричарднинг Ломаченко билан жангдаги асосий хатоларини айтиб ўтди

Енгил вазн тоифасида собиқ жаҳон чемпиони Ричард Коммининг мураббийи Андре Розье ўз шогирдининг Василий Ломаченкога қарши жангдаги мағлубиятига изоҳ берди. Мутахассис жангни батафсил таҳлил қилиб, унда шогирдининг асосий хатоларини таъкидлаб ўтди.

Розьенинг сўзларига кўра, Ричард йиғинда пухталик билан тайёрланган режани бажара олмади.

«Биз Ричард рингда уддасидан чиқа олмаган нарсалар устида кўп ишладик. Мен унга қўлларини юқорига кўтаришини айтгандим, лекин у тез-тез қўлларини тушириб юборди. Чап қўлини пастга тушириш - бу катта хато. Лекин у жангда мен кутганимдан ҳам кўпроқ шундай қилди. Мен унга чапга айланишни, танага ўтишни ва жебни ишлатишни айтдим. Лекин у ҳеч нарса қилмади.

Шунда мен жуда муҳим муаммони кўрдим. Ломаченко кўкрагига босиб, чап қўли билан урди, бу вақтда Ричарднинг қўллари тиззасида эди ва у тик турарди. Сизнингча, нима бўлади? У зарбадан максимал зарар олди», - деди Розье WBH радиоси эфирида.