Мураббий Усик - Жошуа реванши учун тахминини айтди

Супероғир вазн тоифасида собиқ жаҳон чемпиони Деонтей Уайлдернинг мураббийи Малик Скотт WBA, IBF, WBO ва IBO йўналишлари чемпиони Александр Усик ва британиялик Энтони Жошуа ўртасидаги реванш жангидан кутаётганлари билан ўртоқлашди.

Мураббийнинг фикрига кўра, иккинчи қарама-қаршилик боксчиларнинг биринчи жангидан кўра қизиқарлироқ бўлиши мумкин. 

"Менимча, Жошуа ўзини мағлуб этган боксчи билан реваншда ҳисоб-китоб қилиши керак. У худди Энди Руис билан бўлганидек, "орқа оёқда" Усик билан жанг қилмаса керак. Фикримча, Усик Жошуани ўқий олди. 

Агар пул тикганимда, реванш қизиқроқ бўлишига гаров қилган бўлардим. Шунга қарамай, мен Усикнинг ғалабасини тахмин қиламан", — Скоттнинг сўзларини келтиради Boxing Scene.

Эслатиб ўтамиз, боксчилар 2021 йил 25 сентябрда Лондонда жанг қилган, унда ҳакамларнинг қарорига кўра украиналик боксчининг қўли баланд келган.

Диёр Мавлонов тайёрлади