Мураббийимиз олтин медаль учун курашда қайси мамлакатлар асосий рақиб эканлигини айтди

Ўзбекистон бокс федерацияси матбуот хизмати ёшлар терма жамоаси мураббийи Олим Муҳаммедовнинг мусобақа ҳақидаги қисқа фикрлари билан қизиқди. 

"Ҳозирга келиб ёшлар ўртасидаги баҳсларнинг чорак финал босқичи якунланган. 11 март куни йигитларимиз финал йўлланмаси учун рингга кўтарилишади. Олтин медаль учун курашда биз учун Ҳиндистон, Қозоғистон, Қирғизистон ва Тожикистон каби мамлакат боксчилари асосий рақиб бўлиши кутилмоқда. 

Умуман олганда, ҳар бир рақибга эътибор бериб, жиддий ёндошишимиз талаб этилади. Тайёргарликни ҳам шунга яраша олиб боряпмиз. 13 та вазн тоифасидан 12 тасида Ўзбекистон ёшлари ярим финалга чиқишган. Энди ярим финалда бор имкониятимизни ишга солиб, максимал натижани қайд этишга ҳаракат қиламиз", - деди Муҳаммедов.