Муроджон Аҳмадалиев: "Камарларимни ҳимоя қилишга тайёрман"

Боксчимиз машғулот жараёни, рақиби ўзгаргани ҳақида ўз фикрларини билдирди.

"Умид қиламанки, Ронни ўзини яхши ҳис қилмоқда. Унинг мен билан жанг қила олмаслиги ачинарли ҳолат, аммо Хосе учун ажойиб имконият ва ишончим комилки, у бу жангда бор имкониятини ишга солади. Лагерда ҳаммaси яхши бўлди, ўқув-машғулоти узоқ давом этди, жанг бир неча бор бекор қилинди, лекин биз спорт залида қолдик. Камарларимни ҳимоя қилишга тайёрман. Бизда янги спорт зали бор. Биз уни яхши кўрамиз. Бу бизнинг янги уйимиз. Имкониятлар етарлича, жой кенг ва янги ринглар мавжуд. Лагерда бўлиш ҳар доим ёқимли, чунки Жоэл Диаc ва жамоа - катта оиламиз.

Биз жуда кўп ҳазиллашамиз, бироқ яхши ишлаймиз. Спорт залида инглиз, испан, ўзбек ва рус тиллари аралашмасидан яратилган ўз тилимиз бор. Буларнинг барчаси қизиқарли, сабаби машғулотлар тугагач биз ўзимиздан завқланганимизга ишонч ҳосил қиламиз. Бирга овқатланамиз, ухлаймиз, боксни чуқурроқ ўрганамиз, интизом масаласи бошқаларникидан кам эмас", - деди МJ КАKА.