Муроджон Аҳмадалиев: "Менга мухлислик қилинг!"

Шу куни чарм қўлқоп устамиз Манчестер шаҳрида ўзига тегишли бўлган WBA ва IBF камарларини чилилик Хосе Веласкесдан ҳимоя қилади. Кеча Аҳмадалиев кичик матбуот анжуманида ҳам иштирок этди ва жанг ҳақида интервью берди.

"Биз боксчилар томонидан ажойиб оқшом ваъда қилиняпти. Шахсан ўзим ҳам мухлисларбоп жанг тақдим этишимизга ишоняпман. Бокс оқшомига албатта келинг ва бизга, улар қаторида менга ҳам мухлислик қилинг. Чиройли ғалабам билан сизларни хушнуд этишга астойдил ҳаракат қиламан", - деди Аҳмадалиев.

Маълумот учун, Веласкес проф боксда шу кунгача 37 та жанг ўтказиб, уларнинг 29 тасида ғалаба қозонган (19 та нокаут). Яна 6 та жангда мағлуб бўлган, 2 баҳсда дурангга эришган.