Муроджон Аҳмадалиев: Ўз кучига ишонган спортчи қийинчиликлардан завқ олади

Тез кунларда ўзининг WBА/IBF камарларини япониялик Рёсуке Ивасадан ҳимоя қиладиган боксчимиз Муроджон Аҳмадалиев Инстаграм саҳифасига машғулот жараёни акс этган видеролик жойлади ва видео остига шундай деб ёзиб қолдирди:

"Бир кунимиз ҳам меҳнатсиз ўтмади! Жанг қачон ва қаерда бўлишидан қатъи назар биз машғулотларни давом эттиравердик. Ўз кучига ишонган спортчи қийинчиликлардан завқ олади. Менга кимга қарши жанг қилишнинг фарқи йўқ, ҳар қандай рақибга тайёрмиз. Мени дуо қилиб, қўллаб-қувватлаб турган юртдошларим ва бокс мухлисларига раҳмат деб қоламан. Худо хоҳласа, 3 апрель куни сизнинг ишончингизни оқлаш учун бор кучим билан курашаман", - деб ёзиб қолдирди Аҳмадалиев Инстаграмдаги саҳифаси видео остига.