30 май 17:22
Янгиликлар
Бокс/ММА
Муроджон Аҳмадалиев ва Бектемир Мелиқўзиев иштирокидаги жанглар бир вақтга тўғри келиб қолиши мумкин (жанг вақти + трансляция)
Эртага, 31 май куни икки нафар боксчимиз проф рингда навбатдаги жангини ўтказади.
Суперўрта вазн тоифасида жанг қилувчи Бектемир Мелиқўзиев Лас-Вегасда WBA Eliminator камари учун америкалик Дарьюс Фулгхэмга қарши рингга кўтарилади. 12 раундлик ушбу жанг соат 6:00да бошланиши белгилаб қўйилган.
Иккинчи энг енгил вазн тоифасидаги боксчимиз, WBA Interim камари соҳиби Муроджон Аҳмадалиев эса Мексикада 29 ёшли мексикалик Луис Кастильога қарши жанг ўтказади. Ушбу бокс оқшомининг карди соат 05:00да бошланади. Муроджоннинг жанги эса иккинчи жуфтлик сифатида қайд этилган. Бу эса агар биринчи жанг тўлиқ давом этган тақдирда, ҳамюртимиз иштирокидаги тўқнашув тахминан 5:45 дан сўнг бошланади дегани.
Жангларни телеграмдаги Sport Universal канали орқали жонли эфирда томоша қилишингиз мумкин.
Ҳавола :
Манба : olamsport.com
Фикрлар