15 май 16:01
Янгиликлар

Бокс/ММА

Муроджон Аҳмадалиевнинг навбатдаги жанги бўйича аукцион ўтказилади: бошланғич нарх 150 минг доллар

Биринчи ярим енгил вазн тоифасида икки йўналишда жаҳон чемпиони ҳисобланган ҳамюртимиз Муроджон Аҳмадалиевнинг навбатдаги жангини ташкил этиш бўйича промоутерлик савдолари ўтказилади.

WBA ушбу йўналишда чемпион Аҳмадалиев ва мажбурий даъвогар Ронни Риос ўртасидаги жанг бўйича келишиб олиш учун 6 май кунига қадар муддат қўйганди. Аммо томонлар бу муддат ичида келиша олишмади. Энди WBA ушбу жангни ташкил этиш ҳуқуқини қўлга киритмоқчи бўлган промоутерлар учун савдо эълон қилди.

Унга кўра, жангни ташкил этмоқчи бўлган компания учун нарх 150 минг доллардан бошланади. Келиб тушадиган пулнинг 75 фоизи Аҳмадалиевнинг жамоасига, 25 фоизи эса америкалик Риос томонга берилади.

Аукцион 24 майга қадар давом этади.