09 окт 12:34
Янгиликлар
Футбол
Мусобақа карантин қоидалари асосида ташкил этилди
Шу ойдан эътиборан Қашқадарё вилоят олимпия ва миллий спорт турлари бўйича давлат ихтисослашган мактаб интернатида карантин талабларига жиддий эътибор қилган ҳолда ўқиш бошланди.
Айни пайтда ўқувчилар ўқиш давомида спорт тадбирларида ҳам иштирок этишмоқда. Куни кеча ушбу мактаб-интернатида Президентимиз томонидан илгари сурилган бешта муҳим ташаббуснинг 2-йўналиши ижросини таъминлаш ҳамда 1 октябрь - Ўқитувчи ва мураббийлар куни муносабати билан футбол бўйича мактаб биринчилиги ташкил этилди.
Мусобақада мактаб-интернатининг 2008-2009 йилларда туғилган ўқувчилари гуруҳларга бўлинган ҳолда, ғолиблик учун баҳс олиб боришди.
Қизғин учрашувларга бой ўтган мусобақада иқтидорли жамоа ёш футболчилари мактаб-интернати маъмурияти томонидан муносиб тақдирланди.
Илҳом РАҲМОНОВ тайёрлади
Ҳавола :
Манба : olamsport.com
Фикрлар