02 май 11:08
Янгиликлар

Теннис

Mutua Madrid Open. 21 ёшли Гофф дунёнинг иккинчи ракеткасини "сочиб" ташлади

Испания пойтахти Мадрид шаҳрида теннис бўйича WTA 1000 тоифасига кирувчи нуфузли турнир давом этмоқда.

WTA рейтингида 4-ўринни эгаллаб турган америкалик Коко Гофф дунёнинг иккинчи ракеткаси, польшалик Ига Свёнтекка қарши баҳс олиб борди. Олтмиш беш дақиқа давом этган учрашувда Гофф рақибасини сезмади - 6/1, 6/1.

Шунга қарамай, теннисчиларнинг ўзаро учрашувларида Ига катта фарқ билан олдинда бормоқда - 11:4. Лекин сўнгги учта учрашувда Коко номдор рақибасидан устун келган. Америкалик 21 ёшли иқтидор эгаси 6 та эйс, 5 та брейк қайд этиб, 1 та қўшхатога йўл қўйди.

Ига Свёнтек 2019 йилдан кейин илк бор шармандали ҳисоб билан ютқазди. Олти йил олдин Игани Елена Остапенко Бирмингем турнирида 6/0, 6/2 ҳисобида мағлубиятга учратган эди.