Mutua Madrid Open. Ига 1/2 финалдаги рақибасига 2 тагина гейм берди

Польшалик теннис маликаси WTA рейтингида 13-ўринни эгаллаб турган россиялик Вероника Кудерметовага қарши кортга чиқиб, 6/1, 6/1 ҳисобларида ғалаба қозонди. Теннисчиларнинг ўзаро учрашувларидаги ҳисоб янада йириклашди - 4:0. 

Саксон дақиқа давом этган баҳсда Свёнтек биронта эйс зарбасини амалга оширолмади. Кудерметова эса 1 та эйс, 2 та қўшхато қайд этди. Игада қўшхатолар кузатилмади. У 5 та брейкка эришди. Энди 21 ёшли Свёнтек Mutua Madrid Open бош соврини учун дунёнинг иккинчи ракеткаси, беларуслик Арина Соболенкога қарши кортга чиқади.