08 июн 11:30
Янгиликлар

Теннис

Надаль 12-маротаба “Ролан Гаррос” финалида ўйнайди

Эртага теннис бўйича Франция Очиқ чемпионатининг эркаклар ўртасидаги мусобақасида чемпион аниқланади.

Ҳозирча ҳал қилувчи финалнинг бир иштирокчиси маълум бўлиб улгурган. Дунёнинг иккинчи ракеткаси Рафаэль Надаль учинчи рақам остида таснифланган Рожер Федерерни мағлуб этиб, ўз фаолиятида 12-маротаба “Ролан Гаррос” бош мукофоти учун кортга чиқиш имкониятини қўлга киритди.

Шунингдек, эртанги финал Надаль учун “Катта Дубулға” туркумига кирувчи турнирлардаги 26-финал сифатида ҳам тарихга киради. Яна бир факт шундаки, Рафа 2013 йилдан буён илк бор Рожерни мағлубиятга учратди. Сўнгги бор у Рим турнирида Федерердан устун келган эди. 2013 йилдан шу кунгача хард қопламали турнирларда Рожер Рафани 5 маротаба мағлуб этган.