Надаль яна дунёнинг биринчи ракеткасига айланади

Бу ҳолат швейцариялик теннис юлдузи Рожер Федерернинг “Мастерс” сериясига кирувчи Цинциннати турнирида қатнашмаслигини маълум қилгач аён бўлди.

Цинцинатти турнирининг ўтган йилги финалчиси, айни пайтда дунёнинг биринчи ракеткаси бўлиб турган британиялик Энди Маррей ҳам аввалроқ мусобақада қатнаша олмаслигини маълум қилганди. Бунинг натижасида у 600 очкосидан маҳрум бўлади.

Айни пайтда онлайн рейтингда Маррейнинг ҳисобида 7150, Федерерда 7145, Надалда эса 7475 очко бор. Бу эса Рафаэлни дунёнинг биринчи ракеткасига айлантиради.