Naiza FC 59. Қозоқ ва ўзбек ММАчилари ўртасидаги жангда кутилмаган натижа

Naiza FC 59 турнири доирасида ҳамюртимиз Рустам Даминов (3-2) қозоғистонлик Елжан Алиаскар (9-4)га қарши октагонга чиқди. Уч раунд тўлиқ давом этган жанг якунида ҳакамлар дуранг натижа қайд этилганини эълон қилишди. Бу ҳар икки аралаш яккакураш устаси учун фаолиятидаги биринчи дуранг бўлди. 

Елжан Алиаскар 2022 йилнинг ноябрь ойидан бери илк бор октагонда кўриниш берди. Ўшанда у иккинчи раундда бошқа бир қозоқ жангчиси Дастан Амангельди (7-1)га имкониятни бой бериб қўйганди. Рустам Даминов эса бундан аввалги жангини ўтган йилнинг декабрь ойида яна бир ҳамюртимиз Жавоҳир Абдуғаниев (4-1)га қарши ўтказиб, ғалаба қозонганди.