06 июн 10:54
Янгиликлар

Теннис

Наманган “Фьючерс”. Файзиев ва яна уч теннисчимиз иккинчи даврада

Андижонда чемпионга айланган Санжар Файзиев Наманган “Фьючерс” турниридаги иштирокини ҳам ғалаба билан бошлади.

Мусобақада еттинчи рақам остида ҳаракат қилаётган ҳамюртимиз илк даврада саралаш баҳслари орқали асосий тўрга етиб келган яна бир теннисчимиз Григорий Коробейниковни 6:2, 6:2 ҳисобида таслим этди. Унинг иккинчи даврадаги рақиби россиялик Михаил Фуфигин бўлади.

Соврин жамғармаси 25 000 АҚШ долларини ташкил қилувчи ушбу мусобақанинг асосий тўрида Файзиевдан ташқари, ҳамюртларимиздан Ҳумоюн Султонов, Шаробиддин Абзалов ва Саидаъло Саидкаримов ҳам ғалабага эришиб, иккинчи давра иштирокчисига айланди.