“Насаф” расман 6 нафар футболчини жамоадан кетганини эълон қилди

"Янги мавсум олдидан жамоамизни Азиз Холмуродов, Азизбек Амонов, Суҳроб Нуруллоев, Баҳром Абдураҳимов, Жўрабек Маннонов, Аслиддин Турсунпўлатовлар тарк этишди. Ушбу футболчиларга жамоамизга совринларни қўлга киритишда кўрсатган ёрдамлари учун жамоамиз ва мухлисларимиз номидан ўз миннатдорчилигимизни билдирамиз.

Шунингдек, Нодирбек Мукаров ва Маҳмуд Жўрабоевлар “Шўртан” жамоасига ижарага берилди. “Насаф” U-21 таркибида бўлган Жамол Қиличев ва Бобур Каримовлар ҳам клуб билан хайрлашишди.

Жамоамиз номидан Биринчи Лига мусобақаларида иштирок этаётган жамоамиз таркибида ҳам ўзгариш бўлди. Шаҳзод Хушвақтов, Миржалол Қосимов ва Жаҳонгир Шерматовлар ҳам янги мавсумда жамоамиз билан бирга бўлишмайди.

Жамоамизни тарк этган барча футболчиларга миннатдорчилик билдирган ҳолда уларнинг кейинги фаолиятларига омад тилаб қоламиз", - дейилган матбуот хизмати тақдим этган маълумотларда. 

“Насаф” футбол клуби матбуот хизмати