Навоий “Uzbekistan Judo Tour” мусобақаси кучлиларни аниқлади ФОТОГАЛЕРЕЯ

Мукофот жамғармаси 200 миллион сўмни ташкил этган “Uzbekistan Judo Tour” турнирида -81, -90, -100 ва +100 кг вазнларида беллашувлар ўтказилди. Ўз вазн тоифаларида сурхондарёлик Аҳрор Зиёдуллаев, Отабек Тўрабоев, Жаҳонгир Маматраҳимов ва Исломбек Равшанқулов чемпионлик шоҳсупасига кўтарилишди. 

Беллашувлар чинакамига муросасиз тус олди. Истеъдодли ёш дзюдочилар терма жамоа аъзоларига муносиб тарзда рақобатни юзага келтира олишди. Тўртта вазннинг учтасида олтин медалга эга чиққан Сурхондарё вилояти терма жамоаси медаллар жамғариш бўйича умумжамоа ҳисобида биринчи ўринни эгаллади.   

Ғолиблар 22, кумуш медаль эгалари 14, бронза медаль соҳиблари эса 7 миллион сўм пул мукофотига ҳам эга бўлишди. Тантанали тақдирлаш маросимида Навоий вилояти ҳокими Нормат Турсунов, Ўзбекистон дзюдо федерацияси раиси Азизжон Камилов, вилоят спорт бошқармаси мутасаддилари, Токио-2020 Олимпиадаси совриндори, жаҳон чемпиони Давлат Бобонов иштирок этди. 

Навоий “Uzbekistan Judo Tour” ғолиб ва совриндорлари:

-81 кг вазн тоифаси

1. Аҳрор Зиёдуллаев (Сурхондарё)

2. Муроджон Йўлдошев (Тошкент шаҳри)

3. Зулфиддин Усмонов (Навоий)

3. Низомиддинхўжа Тошпўлатов (Сурхондарё)

-90 кг вазн тоифаси

1. Отабек Тўрабоев (Сурхондарё)

2. Азизбек Авазмуродов (Тошкент шаҳри)

3. Рамазон Аллабердиев (Сурхондарё)

3. Алишер Саманов (Самарқанд)

-100 кг вазн тоифаси

1. Жаҳонгир Маматраҳимов (Сурхондарё)

2. Амир-Саид Жейлиев (Тошкент вилояти)

3. Муҳаммадали Зоиров (Тошкент шаҳри)

3. Дилшод Чориев (Тошкент вилояти)

+100 кг вазн тоифаси

1. Исломбек Равшанқулов (Қашқадарё)

2. Шоҳруҳхон Бахтиёров (Тошкент шаҳри)

3. Фазлиддин Рафиқов (Тошкент шаҳри)

3. Жавоҳир Муродиллаев (Қашқадарё)