Навоийда катталар ўртасида Ўзбекистон чемпионати бошланмоқда

Яккакураш турларига ихтисослаштирилган болалар ва ўсмирлар спорт мактаби мезбонлигида ўтадиган йилнинг асосий мусобақасида Қорақалпоғистон Республикаси, барча вилоятлар ҳамда Тошкент шаҳридан жами 450 нафар курашчи мамлакат чемпионлиги учун баҳсларга киришади. 

Уч кун давомида учта йўналиш бўйича жами 30 та медаллар жамланмаси учун қизиқарли беллашувлар бўлиб ўтади. Бугун Ўзбекистон чемпионатининг илк куни юнон-рум кураши бўйича 10 та вазн тоифасида ғолиб ва совриндорлар аниқланади. "Классиклар" -55, -60, -63, -67, -72, -77, -82, -87, -97 ҳамда 130 кг вазн тоифаларида мамлакат чемпионлиги учун гиламга чиқишади.