03 окт 18:03
Янгиликлар
Гандбол
Навоийлик қизлар қўл тўпи бўйича Ўзбекистон чемпиони бўлди
Навоийда 2002-2003 йилларда туғилган қизлар ўртасида қўл тўпи бўйича Ўзбекистон чемпионати ўтказилди.
Мамлакатимизда болалар спортини ривожлантириш, хусусан, қизларни спортга кенг жалб этиш, бунинг учун замонавий шароитлар яратишга алоҳида эътибор қаратилмоқда. Ўзбекистон Болалар спортини ривожлантириш жамғармаси томонидан барпо этилаётган спорт масканлари бу борадаги ишларнинг амалий ифодасидир.
Мусобақада Қорақалпоғистон Республикаси, барча вилоятлар ва Тошкент шаҳридан келган жамоалар ғолиблик учун баҳслашди.
Финалда навоийлик қизлар жамоаси қорақалпоғистонлик рақибаларини 20:17 ҳисобида мағлуб этиб, биринчи ўринни қўлга киритди. Иккинчи ва учинчи ўринларга Қорақалпоғистон Республикаси ва Наманган вилояти жамоалари сазовор бўлди.
Ҳавола :
Манба : uza.uz
Фикрлар