Ненад Лалович Олимпиаданинг кўчирилиши ва янги тақвим ҳақида гапирди

"Олимпиаданинг 2021 йилга кўчирилгани расман эълон қилинди. Лекин ҳали мусобақанинг аниқ санаси маълум эмас. ХОҚ Олимпиада ташкилотчилари билан бирга бу масалани муҳокама қиляпти. Ўз навбатида ХОҚ квалификацион турнирлар бўйича ўз тавсиясини бериши керак. Шундан кейингина биз ўзгарган ва янгиланган тақвим ҳақида бош қотирамиз. 

Ҳа, бу жараён курашчиларнинг тайёргарлик жараёнига салбий таъсир кўрсатади. Лекин айни ҳолатда бизга спортчиларнинг соғлиғи ва хавфсизлиги барчасидан муҳим. Тез орада UWW Ижроия қўмитасининг телеконференцияси ўтказилади. Унда биз бу масалани ҳам муҳокама қиламиз. Янгилик бўлиши билан дарҳол бу ҳақида барча спорт курашлари дунёсини хабардор қиламиз", — деди Лалович UWW расмий сайтига берган интервьюсида.

Эслатиб ўтамиз, коронавирус сабаб Европа, Осиё, Африка ва Океания қитъалари ҳамда жаҳон квалификацион турнирлари бекор қилинган ва номаълум муддатга кўчирилган эди.