Нганну Дана Уайтга: "Нима учун сен менинг эркин ва бахтли бўлишимга қаршисан?"

Аввалроқ, Уайт PFL ва Нганну ўртасидаги шартномада келтирилган эксклюзив шартлардан хайратда эканини билдирганди. Дана лиганинг камерунлик спортчига бокс жангига тайёргарлик кўраётганда пул тўлашининг сабабини тушунмаган эди. Дана шунингдек, UFC PFL кўраётган ишдан мутлақо тескари сиёсат юритишини айтди.

"Мен билан қандай муаммоинг бор? Биринчидан, мен шартномамни якунладим ва эркин агент сифатида кетдим. Сен мени ҳайдаб чиқармадинг. Иккинчидан, мен танқид қилишни ёмон кўраманми? Мана нима учун жароҳат олганимда ҳам бир неча бор UFC чемпионлигини ҳимоя қилганман. Учинчиси, уч йил ичида атиги уч марта жанг қилганимга сабаб, сен менинг шартномамни назорат қилишга урингансан.

Сен ҳар доим: "Мен йигитларга йилига учта жанг беришим керак", дердинг. Хўш, бу борада ишлар қандай? Мен сен таклиф қилган жангларнинг ҳеч бирини рад қилмадим. Мана ниҳоят, бу ерда мени ҳурмат қилишади ва меҳнатим учун ҳақ тўлашади. Мен иккала томон учун ҳам адолатли бўлган шартнома туздим. Нега менинг эркин ва бахтли бўлишимга қаршисан?", - деб ёзади Нганну ўз саҳифасида.