21 июл 07:01
Янгиликлар
Бокс/ММА
Нганну Фьюрига қарши жангдан олдинги режаларини ошкор қилди
UFCнинг оғир вазн тоифасидаги собиқ чемпиони Фрэнсис Нганну супероғир вазнда WBC чемпиони Тайсон Фьюрини қай тарзда мағлуб этмоқчилигини айтди.
"Жанг вазиятга қараб ўзгариши мумкин. Менимча, у мени масофада ушлаб туриб, ҳакамлар қарори эвазига ғалабани илиб кетмоқчи. Барча йўналишлар бўйича ишлаяпман ва жангда ғолиб бўлмоқчиман.
Масофа муаммосини ҳал қилишим керак бўлади, чунки рақибим бундай ҳолатда ўзини яхши ҳис қилади. Мен унинг барча ўйлаган режаларини йўқ қилишим ва ўз бошимдан баландга сакрашим керак. Биламан, бу осон бўлмайди. Аммо ростдан ҳам ютишни истайман", - деди Нганну "Middle Easy"га берган интервьюсида.
Эслатиб ўтамиз, Тайсон Фьюри - Фрэнсис Нганну жанги 28 октябрь куни Саудия Арабистонида ўтказилади.
Ҳавола :
Манба : Middle Easy
Фикрлар