05 мар 11:44
Янгиликлар

Теннис

Нигина Абдураимова финал остонасида тўхтади

Қозоғистоннинг Нур-Султан шаҳрида бўлиб ўтаётган теннис бўйича ITF таснифига кирувчи "W25 Nur-Sultan" турнирида финалчилар номи маълум бўлди.

Мусобақада иштирок этаётган мамлакатимизнинг биринчи ракеткаси Нигина Абдураимова турнирнинг 1/2 финалида россиялик Мария Ткачевага қарши кортга чиқди. Бироз аввал якунланган учрашувда афсуски, Абдураимова ўзидан 458 поғона пасдаги рақибасига 3/6, 1/6 ҳисобида имкониятни бой бериб қўйди ва финал остонасида мусобақа билан хайрлашди.

Маълумот учун, Абдураимова ҳозирда WTA рейтингида 271, Ткачева эса 729-ўринни эгалаб турибди.

Ҳавола :

Манба : olamsport.com

Рейтинг: +1