15 авг 11:41
Янгиликлар

Теннис

Нигина Абдураимова иштирокидаги учрашув якунига етмай қолди

Буюк Британиянинг Гэмпшир графлиги Олдершот шаҳрида теннис бўйича W35 тоифасига кирувчи турнир бўлиб ўтмоқда.

Мукофот жамғармаси 35 000 долларни ташкил этувчи ушбу мусобақада ҳамюртимиз Нигина Абдураимова ҳам ўз омадини синаб кўрди. Афсуски, мамлакатимизнинг биринчи ракеткаси илк даврадаёқ мағлубиятини тан олишга мажбур бўлди.

Аниқроғи, турнирда биринчи рақам остида таснифланган Нигина иккинчи сетнинг учинчи геймидан кейин баҳсни давом эттира олмаслигини маълум қилди. Катта эҳтимол билан бунга унинг жароҳати сабаб бўлган. Бу пайтга келиб Абдураимованинг америкалик рақибаси Галей Гиавара 6/3, 3/0 ҳисобида олдинда бораётганди.

Таққослаш учун, Нигина Абдураимова WTA рейтингида 285, унинг рақибаси 556-ўринни эгаллаб турибди.