06 ноя 13:33
Янгиликлар

Теннис

Нигина Абдураимова жуфтликда финал остонасида тўхтади

Буюк Британиянинг Шропшир графлиги Шрусбери шаҳрида теннис бўйича ITF W100 турнири бўлиб ўтмоқда.

Мукофот жамғармаси 100 000 АҚШ долларини ташкил этувчи ушбу мусобақада ҳамюртимиз Нигина Абдураимова ҳам ўз омадини синаб кўряпти. Мамлакатимизнинг биринчи ракеткаси польшалик Паула Кания-Чодун билан ҳамкорликда ярим финал йўлланмасини қўлга киритганди.

Афсуски, финал чиптаси учун кечган учрашувда улар чехиялик теннисчилар - Мирьям Колоджедова ҳамда Маркета Вондроушовага 3/6, 6/7(3) ҳисобида имкониятни бой бериб қўйишди.