Нигина Абдураимова катта танаффусдан сўнг қайтди

Эътиборлиси, W75 тоифасига кирувчи Calvi Women турнирида ҳамюртимиз Нигина Абдураимова ҳам ўз омадини синаб кўрди. Узоқ муддат кортдан ташқарида бўлган теннисчимиз илк даврадаёқ мағлубият аламини тотиб кўрди ва мухлислар қаторидан жой олди.   

Мамлакатимизнинг биринчи ракеткаси 80 дақиқа давом этган 1/16 финал босқич учрашувида польшалик Урсула Радванскага 2/6, 2/6 ҳисобида имкониятни бой бериб қўйди. Тажрибали Урсула WTA рейтингида 455, Нигина эса 711-поғонани эгаллаб турибди. Бу теннисчиларнинг ўзаро ўтказган иккинчи учрашуви бўлди. Илк баҳс 2016 йилнинг 28 июль куни Хитойнинг Ухан шаҳридаги турнирда ўтказилган бўлиб, унда Абдураимова ғалаба қозонганди.