28 окт 17:41
Янгиликлар

Теннис

Нигина Абдураимова Лафборода финалга чиқди

Буюк Британиянинг Лафборо шаҳрида теннис бўйича ITF 25 турнири бўлиб ўтмоқда.

Хабар берганимиздек, ушбу мусобақада ҳамюртимиз Нигина Абдураимова ҳам ўз омадини синаб кўряпти. Мамлакатимизнинг биринчи ракеткаси тўғридан-тўғри курашсиз финал йўлланмасини қўлга киритди. Унинг ярим финалдаги эстониялик рақибаси Елена Малигина жароҳат сабаб кортга чиқмаган.

Таққослаш учун, Абдураимова WTA рейтингида 167, Малигина эса 381-поғонадан жой олган. Нигинанинг финалдаги рақибаси британиялик Эмили Апплетон бўлади. У ҳозиргина якунига етган 1/2 финал баҳсида рейтингда ўзидан 287 поғона юқорида бораётган ватандоши Элиз Малонини 3/6, 6/3, 6/1 ҳисобида доғда қолдирди. Апплетонни ўзи 791-ўриндан жой олган.