Нигина Абдураимова Оэйраш бош совринини кўзлаяпти

Мукофот жамғармаси 60 минг еврони ташкил қилувчи ушбу мусобақада ҳамюртимиз Нигина Абдураимова ҳам муваффақиятли иштирок этяпти. Бироз аввал мамлакатимизнинг биринчи ракеткаси 1/4 финал учрашувини якунлади. 

Дунёнинг 184-ракеткаси бўлиб турган Абдураимова 89 дақиқа давом этган учрашувда WTA рейтингида 326-поғонада бораётган беларуслик Юлия Гатовкани 6/4, 6/4 ҳисобларида мағлубиятга учратди. Айнан Готовка биринчи босқичда турнирнинг биринчи ракеткаси, дунё рейингида 151-ўринни эгаллаб турган австралиялик Оливия Гадекини мусобақадан чиқариб юборганди.  

Энди Абдураимова 1/2 финал баҳсида турнирнинг бешинчи ракеткаси бельгиялик Грит Минненга қарши кортга чиқади. WTA рейтингида 173-поғонада бораётган Миннен 1/4 финалда литвалик Жюстин Микулскайтдан 6/0, 6/1 ҳисобида устун келди.