30 апр 18:42
Янгиликлар

Теннис

Нигина Абдураимова Оэйраш турнирида чемпионликни қўлга киритди!

Португалиянинг Оэйраш шаҳрида теннис бўйича W60 тоифасига кирувчи турнир якунланди.

Мукофот жамғармаси 60 минг еврони ташкил қилувчи ушбу мусобақада ҳамюртимиз Нигина Абдураимова ҳам муваффақиятли иштирок этди. Мамлакатимизнинг биринчи ракеткаси бироз аввал якунланган финал баҳсида португалиялик Франциско Хорхени мағлубиятга учратди. 2 соату 12 дақиқа давом этган ўйин 1/6, 6/4, 6/3 ҳисобида ҳамюртимиз фойдасига якунланди.

Шундай қилиб, дунёнинг 184-ракеткаси бўлиб турган Абдураимова WTA рейтингида 314-поғонадан жой олган Франциско Хорхедан устун келди ва Оэйраш турнирида чемпионликни қўлга киритди!