05 дек 12:20
Янгиликлар

Теннис

Нигина Абдураимова Таиландда чорак финалга чиқди

Таиланднинг Нонтабури шаҳрида теннис бўйича аёллар ўртасида мукофот жамғармаси 15 000 АҚШ долларини ташкил этувчи турнир давом этмоқда.

Мусобақада ўзбекистонлик теннисчи Нигина Абдураимова ҳам иштирок этмоқда.

Ҳамюртимиз бироз аввал мусобақа 1/8 финали доирасида таиландлик Чомпотип Жундакатега қарши кортга чиқди. 1 соат 36 дақиқа давом этган ўйинда Нигина рақибасини 7:5, 6:3 ҳисобларида мағлуб этди ва чорак финалга йўл олди.

Энди у ярим финал йўлланмаси учун хитойлик Йинг Жангга қарши баҳс олиб боради.