Нигина Абдураимова Трнавадаги турнирнинг 1/4 финалига чиқди

Унда ҳамюртимиз Нигина Абдураимова ҳам муваффақиятли одимлаяпти. Мамлакатимизнинг биринчи ракеткаси икки ғалабаси эвазига мусобақанинг чорак финалига йўл олди. Нигина 1/16 финалда дунёнинг 443-ракеткаси ҳисобланган чехиялик Жесика Малечковани 6/7(6), 6/2, 2/1 (рақибаси баҳсни якунига етказа олмади) ҳисобида мағлуб этганди.    

Кеча эса турнирнинг олтинчи ракеткаси сифатида ҳаракат қилаётган Абдураимова 1 соату 49 дақиқа давом этган 1/8 финалда яна бир чех теннисчиси Анета Кучмовадан уч сетда устун келди - 6/0, 3/6, 7/5. Бугун теннисчимиз 1/4 финал баҳсида австралиялик Арина Родионовага қарши кортга чиқади.  

Таққослаш учун, Нигина Абдураимова WTA рейтингида 246, Кучмова 429, Родионова 132-ўринни эгаллаб турибди. Ҳамюртимизнинг бугунги рақибаси Трнава турнирининг иккинчи ракеткаси ҳисобланади ва у кеча 1/8 финалда грузиялик Марьям Болквадзени 6/2, 3/6, 6/2 ҳисобларида мағлубиятга учратди.