30 окт 12:01
Янгиликлар

Бокс/ММА

Никита Цзю - Майкл Зерафа жанги расман эълон қилинди

Кичик Цзю отаси ва акасидан фарқли равишда профессионал рингда мағлубиятсиз одимини давом эттирмоқда.

Австралиянинг No Limit Boxing промоутерлик компанияси 2026 йилнинг 16 январь куни бўлиб ўтадиган бокс оқшоми ҳақида хабар берди.

Асосий жанг маҳаллий боксчилар Никита Цзю ва Майкл Зерафа ўртасида бўлиб ўтади. Жанг 71,2 кг гача (оралиқ вазн) бўлган вазн тоифасида ўтказилиши кутилмоқда.

Боксчилар ва уларнинг промоутерлари ушбу жангни бироз олдинроқ - декабрь ойида ташкил этишни режалаштирган эди. Аммо Константин Цзюнинг ўғли йўл-транспорт ҳодисасига учрагани сабабли бироз кечиктиришга қарор қилинганди.

Маълумот учун, кичик Цзю ҳозирча профессионал рингда мағлубиятсиз одимламоқда.