Нима учун UFC'да Емельяненко — Веласкес жанги амалга ошмаганини айтилди

Унинг сўзларига кўра, UFC Япониянинг Pride Fighting Championships промоушенини сотиб олганида, жангчилар шартномалари, жумладан Фёдорники ҳам, юридик жиҳатдан ҳақиқий эмаслиги маълум бўлган.

"Мухлис сифатида бизни шунчаки "ухлатиб" кетишди. Биз тарихдаги энг буюк қарама-қаршиликлардан биридан маҳрум бўлдик. Фёдор ўша пайт ҳаммани мағлуб этаётган эди — у курашарди, тик туришда барчани йиқитарди, мукаммал эди. Ва бу айнан Кейн Веласкес энг юқори чўққида турган вақт эди. Бу ҳамма кутаётган жанг эди.

Аммо UFC’да Фёдор билан шартнома бўлмаган эди. Чунки Pride шартномалари ҳақиқий бўлиб чиқмади. Уларда рус йигитлари билан келишув бор эди. Улар промоушендан улуш талаб қилишди, жуда кўп нарса исташди. UFC бунга тайёр эмас эди. Вазият жуда кескинлашди, ҳатто қўриқлашни кучайтиришга тўғри келди — аҳвол ҳақиқатан ҳам хавфли эди. Биз шу тариқа бу жангдан маҳрум бўлдик", — деди Роган.