Нодирбек Абдусатторов - Жаҳон вице-чемпиони!

Мусобақанинг блиц йўналишида ҳамюртимиз Нодирбек Абдусатторов финалга қадар етиб келди. 

Чемпионатда 19 та тур якунига кўра, энг кучли шахматчилар ҳал қилувчи босқичга етиб келишди.

Ярим финал форматидаги ўйинда гроссмейстеримиз Аржун Эригаисини 2,5 : 0,5 ҳисобларида мағлубиятга учратиб, финалга йўл олди. 

Ҳал қилувчи финал баҳсида эса Нодирбекка шахмат юлдузи, дунёнинг биринчи рақамли гроссмейстери Магнус Карлсенга қарши дона сурди.

Тўртта партиядан иборат финал босқичида эса афсуски Нодирбек 1,5 : 2,5 ҳисобида имкониятни бой бериб қўйди.

Шу тариқа, Нодирбек Абдусатторов блиц шахмат бўйича Жаҳон вице-чемпионига айланди.

Магнус Карлсен эса 2025 йилги ЖЧда рапид йўналишида ҳам, блиц йўналишида ҳам олтин медалга сазовор бўлди.

Эслатиб ўтамиз, Нодирбек 2021 йили Варшавада ўтказилган Жаҳон чемпионатида рапид йўналишида чемпион бўлганди.