Нодирбек Якуббоев - Aeroflot Open 2024 совриндори!

The Carlton меҳмонхонасида ўтган анъанавий мусобақанинг асосий турнирида дунёнинг 12 давлатидан жами 142 нафар шахматчи ғолиблик йўлида баҳс олиб боришди. Улар орасида мамлакатимиз шахматчилари ҳам ўз имкониятларини синовдан ўтказишди.

Қувонарлиси, ёш гроссмейстеримиз Нодирбек Якуббоев 9 тур якунларига кўра 6,5 очко жамғариб, кучли учликдан жой олди. Нодирбек сўнгги турда қора доналарда ўйнашига қарамай, россиялик гроссмейстер Александр Шимановни мағлубиятга учратди. Эронлик Муҳаммад Амин Табатабаи 7,5 очко билан мусобақа ғолибига айланди. Иккинчи ўринни эгаллаган Андрей Есипенко ҳам Якуббоев сингари 6,5 очко тўплади. 

Аёллар ўртасидаги мусобақада энг яхши натижани Бибисара Асаубаева қайд этди. Қозоғистонлик шахматчи 5,5 очко жамғарди. Асосий мусобақанинг мукофот жамғармаси 15 миллион рублни ташкил этди. Чемпион 3 миллион рублга эга бўлди.