10 июн 10:56
Янгиликлар

Шахмат

"Norway Chess" якунланди. Нодирбек сўнгги турда Магнус Карлсенни мағлуб этди (якуний жадвал)

Норвегиянинг Ставангер шаҳрида шахмат бўйича нуфузли "Norway Chess" супертурнири ўз якунига етди.

29 май - 9 июнь кунлари ўтказилган баҳсларда ҳамюртимиз Нодирбек Абдусатторов ҳам иштирок этди.

Кеча мусобақа доирасида сўнгги - 9-тур учрашувлари бўлиб ўтди. Унда Нодирбек ўша машҳур Магнус Карлсенга қарши ўйин ўтказди.

Асосий вақтда дуранг қайд этилди. Шундан сўнг армагедонда ғолиб аниқланди ва унда Нодирбек Абдусатторов ғалабага эришди.

Умумий 9 та тур якунига кўра, Нодирбек Абдусатторов 9 очко жамғарган ҳолда, мусобақани 9-ўринда якунлади.

Ғолиблик АҚШ вакили Хикару Накамурага насиб этди (16,5 очко), иккинчи ўринни эса бошқа бир америкалик Фабиано Каруана эгаллади. Кучли учликка эса ҳиндистонлик Гукеш якун ясади.

Якуний жадвал билан танишинг: