Новак Жокович: "Надалнинг йўқлиги теннис учун катта йўқотиш"

"Сўнгги йиллар давомида катта турнирлардаги танаффусларга ўрганиб қолдим. Ўтган ва ушбу йилда АҚШдаги турнирда иштирок этмадим. Вақтимнинг асосий қисмини грунтли мавсумга тайёрланиш билан ўтказдим.

Ўзимнинг жисмоний ҳолатим юқори даражага чиқадиган турнирни танлайман ва унга ўзим истагандек, режа асосида тайёрланаман. Сўнгги уч йил давомида Монте-Карлодаги турнирда муваффақиятга эриша олмадим, чунки, юқори даражада теннис кўрсата олмадим. Умид қиламанки, ушбу мавсумни яхши бошлайман ва Парижда янада яхшироқ натижа қайд этаман.

Надалнинг йўқлиги - нафақат турнирда, балки, теннис учун катта йўқотиш. Бу қопламали кортларда у катта натижаларга эришган. У Монакодаги ва бошқа катта турнирларда қандай муваффақиятларга эришганини яхши биламиз. Бошқа томондан эса бу мусобақада иштирок этаётган иштирокчилар учун совринга бир имконият бўлиши мумкин", - деди Жокович.