Новак Жокович рейтинг пешқадамлигини бой берганига муносабат билдирди

“Мен ҳеч нарсадан афсусланмайман. Афсусланиш фақат ўтмишда яшашга мажбур қилишини билиб олдим. Буни хоҳламайман. Мен ҳозир яшашни хоҳлайман, лекин, албатта, яхшироқ келажакни яратиш ҳақида ҳам ўйлайман.

Шунинг учун Алькаразни табриклайман. У бу поғонага қайтишга мутлақо лойиқ.

Индиан-Уэллс ва Майами турнирларида ўйнай олмаганим ачинарли. Менга бу мусобақалар ёқади, у ерда катта муваффақиятларга эришганман. Аммо шу билан бирга, мен онгли равишда шундай қарор қабул қилдим ва у ерга боришимга ҳалақит берилиши мумкинлигини тушундим. Умид қиламанки, US Open олдидан вазият ўзгаради. Мен учун бу Америкадаги энг муҳим турнир",-деди Жокович. 

Эслатиб ўтамиз Новак Жокович коронавирусга қарши эмланмагани учун АҚШдаги нуфузли "Мастерс" мусобақаларда қатнаша олмади.