Нохуш хабар. "Ювентус" ҳимоячиси коронавирусга чалинди

Дастлаб, бир нечта мусобақалар номаълум муддатга тўхтатилган, баъзи учрашувлар бўм-бўш стадионларда ўтказилаётганди. Ҳозир мазкур вирус билан касалланганлар орасида профессионал спортчилар, футболчилар ҳам аниқланмоқда. 

Туриннинг "Ювентус" клуби расмий сайтида бир неча дақиқа олдин яна бир нохуш хабар берилди. Унга кўра, жамоа ҳимоячиси Даниеле Руганида коронавирус аниқланган ва у дарҳол шифохонага кўчирилган. Клуб баёнотида таъкидланишича, вирус жамоанинг бошқа аъзоларига ҳам юққан бўлиши мумкин. Шу боисдан "Кекса синьора" раҳбарияти тегишли чораларни кўради.