Нурбек Хошимбековни табриклаймиз!

Нурбек Хошимбеков 1988 йил 26 июль куни Андижон шаҳрида дунёга келган. Юнон-рим кураши сир-асрорларини биринчи мураббийи Баҳодир Дадахажаев қўл остида ўрганган. Андижон олимпия захиралари коллежида тахсил олган. У ерда Хошимжон Абдураҳмонов қўл остида машғулот ўтказган. 

Катталар ўртасидаги Осиё чемпионатининг кумуш медали соҳиби, кўплаб нуфузли Халқаро турнирлар, Гран-при мусобақаларида ғолиб ва совриндор бўлган. Жаҳон чемпионатида кучли бешликка кирган. Спорт устаси Нурбек Хошимбеков ҳозирда мураббийлар Равшан Рўзиқулов, Рустам Қудратов, Фазлиддин Мўминов қўл остида мусобақаларга тайёргарлик кўрмоқда.

Фурсатдан фойдаланиб, сайтимиз ўқувчилари, Ўзбекистон спорт курашлари ассоциацияси раҳбарияти, мураббийлар штаби ва курашчилар номидан Нурбек Хошимбековни бугунги таваллуд айёми билан муборакбод этамиз. Унга соғлиқ-саломатлик, хотиржамлик, оилавий бахт тилаймиз. Гиламда қўлинг ҳамиша баланд кўтарилсин, Нурбек!