29 май 21:01
Янгиликлар
Бокс/ММА
Нурислом Исмоилов ғалабали юришини давом эттириб, чемпионлик камарини ютиб олди (ВИДЕО)
Ўзбекистонлик чарм қўлқоп устаси Нурислом Исмоилов фаолиятидаги навбатдаги жангини ўтказди.
24 яшар ҳамюртимиз Тошкентдаги проф бокс оқшомида танзаниялик Лупакисьё Шотига қарши рингга чиқди.
10 раундлик баҳс супер ўрта вазн тоифасидаги WBC Eurasia камари учун ўтказилди. Жангда Исмоилов рақибини ўнинчи раундда техник нокаут билан мағлубиятга учратди.
Бу Нурисломнинг проф боксдаги тўққизинчи жангида қўлга киритган тўққизинчи ғалабаси бўлди. 26 ёшли Шоти эса бугун фаолиятидаги ўн биринчи жангида иккинчи мағлубиятини қабул қилиб олди.
Шу тариқа, Нурислом Исмоилов супер ўрта вазн тоифасида WBC Eurasia камарига эга чиқди. Унинг ҳисобида WBC CISBB камари ҳам мавжуд.
Ҳавола :
Манба : Olamsport.com
Фикрлар