Нурмагомедов - Фергюсон жанги бешинчи бор бекор қилинади

Бу маълумотни Хабиб Нурнмагомедовнинг ўзи Instagram тармоғида онлайн конференция қилган чоғида тасдиқлади.

"Ҳаммани айни пайтда қаерда эканим қизиқтирмоқда. Келинг бир бошдан бошлаймиз. Хабарлар қандай эди? Аввалбошдан мен Калифорнияда, АКА машғулот залида жамоам билан бирга 10 кун шуғулландим. Лекин нима учун машғулот ўтказаётганим, жанг бўладими ёки йўқ, ўтказилса ҳам қандай форматда бўлади, очиғи, буни билмасдим. Бу орада UFC жанг 100 фоиз Америкада ўтказилмаслигини маълум қилди. Ташкилотчилар менга UFC 249 оқшомининг 99 фоизга Абу-Дабида ўтишини айтишди. 

Бу ҳолатда биз UFC билан маслаҳатлашган ҳолда БААга йўл олишга келишдик. 20 март куни БААга етиб келдик, лекин у ерда бизга чегаралар ёпилгани, мамлакатга ҳеч ким киритилмаслигини айтишди. Шундан кейин биз иложсиз Россияга учиб кетдик. Ҳозир мен Доғистондаман. Ҳар куни машғулот ўтказяпман, тайёргарлик давом этяпти. Лекин нимага тайёргарлик кўраётганимни билмайман. Бутун дунё карантинда! Кириш ва чиқишлар беркитилган", - деди Хабиб.