Нурмагомедов - Фергюсон жанги ўтказилиши мумкин бўлган мамлакат номи маълум қилинди

Лекин айни пайтда авжига чиқаётган коронавирус пандемияси сабаб ушбу UFC оқшоми аввалдан белгиланганидек Нью-Йорк ёки Лас-Вегасда ўтказилмайди. Ҳар икки шаҳар мэриялари ҳар қандай оммавий тадбирларни ўтказишни тақиқлаб қўйган. 

Сўнгги хабарларга таянадиган бўлсак, UFC 249 турнирининг марказий жанги ҳисобланган Хабиб Нурмагомедов ва Тони Фергюсон ўртасидаги чемпионлик тўқнашуви Бирлашган Араб Амирликларинг Дубай ёки Абу-Даби шаҳрида ўтказилади. Бу маълумотни Хабибнинг отаси Абдулманап Нурмагомедов ҳам тасдиқлади. 

"Хабиб ўзини яхши хис қиляпти. Ҳаммаси режа асосида кетмоқда. У коронавирусдан қўрқмайди. Жангнинг бўш трибунада ўтказилишига қандай муносабат билдираман? Мухлислар билан яхши, лекин уларсиз яна ҳам яхшироқ бўларди. Катта эҳтимол билан жанг Дубай шаҳрида ўтказилади. БААда бир ойдан кейин 30-40 даража иссиқ бўлади. Коронавирус эса иссиқда яшай олмайди. Биз бу масалани UFC президенти Дана Уайт билан маслаҳатлашамиз", - деди катта Нурмагомедов.