07 окт 09:46
Янгиликлар
Бокс/ММА
Нурмагомедов — Гэтжи жанги бўйича муҳим янгилик
Хабарингиз бор, 24 октябрь куни Абу-Дабидаги "Жанглар ороли"да орзиқиб кутилаётган UFC 254 турнири бўлиб ўтади.
Оқшомнинг марказий жангида енгил вазнда UFC чемпиони Хабиб Нурмагомедов вақтинчалик чемпионлик камари соҳиби америкалик Жастин Гэтжига қарши октагонга кўтарилади.
Ушбу шоу апрель ойидан бери илк бор мухлисларнинг аренага киришига рухсат бериладиган турнир бўлиши мумкин. Бу ҳақида UFC операцион директори Лоуренс Эпштейн The National нашрига берган интервьюсида хабар берди.
"Шундай қарорга Абу-Даби ҳукумати расмийлари келишган, — дейди Эпштейн. — Мухлислар UFC турнирларининг янада жозибали ва кўримли бўлишини таъминлайди. Кўрамиз, воқеалар ривожи Нурмагомедов — Гэтжи оқшомининг мухлислар билан ўтишига қараб кетмоқда. Биз Абу-Даби ҳукумати билан бирга барча хавфсизлик чораларини кўрамиз".
Ҳавола :
Фикрлар